ORAINGOAN PORROT GEHIAGO
Jokaturiko zazpi partidetatik bi garaipen soilik lortu dituzte gure taldeek. Lehenengo urteko infantilen debuta izan da.
Aurreko asteburuan garaipen uzta polita jaso bagenuen ere, oraingoa ez da horren emankorra izan. Jokaturiko zazpi partidetan bi garaipen lortu ditugu. Jubenil gizonezkoak eta kadete gizonezkoak izan dira beraien partidak irriparrez bukatu dutenak.
UROLA EK LAZTIMENDIk ez du norgehiagoka txarra jokatu Pasaian, baina esku hutsik bueltatu behar izan dute “Inixio”ren mutilek. Donibanen aurkako partida ez zen samurra, hala eta guztiz ere hori-urdinak lehiakor aritu dira eta pasaitarrak une gehienetan aurretik izan badira ere gure mutilek une oro izan dira partidan sartuta eta etxekoak errenta txikiak izan dituzte. Oraingoan ez dituzte ohikoak bihurtzen ari diren hamar minutu txar izan eta azken unera arte lehian izan dira. Amaieran, ordea, etxekoak nagusi 26 eta 22.
Bi asteburu barru, datorrenean atsedenaldia izango bai dute, liderra jasoko dute Ispillan. Animo !!!
Aipagarria da asteburu honetan gure talde gaztearenaren debuta izan dugula. “Kanario” eta Requejoren mutilak txukun samar ekin diote partidari eta hala lehen hamabost minutuetan partidan sarturik izan dira (4-5) Handik aurrera, ordea, hasiberrien akatsak errepikatu dituzte (pase eta harrera okerrak, kantxan lekua galdu...) eta trabatu egin dira jokoa sortzea gehiago kosta zaielarik. Azkenean bisitariak nagusi 7 eta 23. EUTSI MUTILAK, HAU HASI BESTERIK EZ DA EGIN !!!
Beste emaitza batzuk:
Jubenil Gizonezkoak: Corazonistas Vitoria 18 - UROLA EK FONTANERÍA LUIS ÁNGEL 21.
Jubenil Emakumezkoak: Ereintza Aguaplast 26 - UROLA EK AIKER 11.
Kadete Gizonezkoak: UROLA EK A. ARANZADI 39 - Ereintza Beissier 21.
Kadete Emakumezkoak: UROLA EK UGARTE/IRATI 16 - Eibar Eskubaloia 17.
Infantil Gizonezkoak: Leizaran A 16 - UROLA EK GOIERRI BUS 15.
