MARTXOAREN 29KO ETA 30EKO LABURPENA ETA EMAITZAK
·
Jardunaldia asteartean hasi zen UROLA EK GOIERRIBUS taldeko kadete neskeen partidu aurreratuarekin. Multzoko liderrak ez zien aukerarik eman. Galdu arren, Ainhoak eta Naiarak entrenatutako neskek Gipuzkoako Txapelketa jokatzen ari den multzoaren erdialdean jarraitzen dute.
Larunbat goizean gure lau taldek jokatu dute, bi Ispillan eta bi etxetik urrun, bi porrot eta bi garaipeneko balantzearekin.
Porrotak emakumezkoen infantil mailako bi taldeek jasan dituzte: UROLA EK URZUM Gipuzkoako Txapelketako 7. eta 8. postuak lortzeko lehian, eta, multzoko erdialdean sailkatuta dagoelarik, denboraldi duina egiten ari den lehen urteko UROLA EK.
Garaipenak gizonezko jubenilentzat eta emakumezko kadete mailako lehen taldearentzat izan dira. UROLA EK ANTONIO ARANZADIko mutilek hiru jardunalditako bolada txararrari amaiera eman diote, eta UROLA EK EUTSIko emakumezkoak Aldundia Garaikurreko A2 multzoko liderrak dira.
Larunbat arratsaldean hiru senior taldeek jokatu dute eta UROLA EK CONSTRUCCIONES ANTIO taldeko emakumeek bakarrik lortu dute garaipena. Gizonezkoen lehen taldeak, UROLA EK LAZTIMENDIk, ezin izan du bosgarren garaipena jarraian lortu eta sailkapenean postu bat galdu du. Bigarren taldeak, UROLA EK CRISTALERÍA GOIHERRIk, bere mailako Gipuzkoako Txapelketaren bigarren fasean garaipenik lortu ezinik jarraitzen du.
Iganderako hiru partida geratu zaizkigu, gizonezkoen bi infantilak eta gizonezkoen kadeteak.
Lehenengoetako inork ez du garaipena lortu, eta UROLA EK ALAI HORTZ KLINIKA izan da lortzetik gertuen egon dena, Hondarribian gol bakarreko aldeaz galdu baitu. UROLA EK taldeak Ispillan galdu du Tolosa CF taldearekin.
Igandeko garaipena UROLA EK RSArentzat izan da. Suposatzen genuen bezala, Jose Angelek eta Oiherrek entrenatutakoak lehiakorrak izaten ari dira Euskal Ligan, dagoenekoz lau garaipen lortu dituzte eta multzoko hirugarren postua lortzeko lehian daude.
Harro gaude guztiez !!!
