GARAIPEN GARRANTZITSUA LORTU DU UROLA EK LAZTIMENDIK
Bolada ona luzatu du
Ez da denboraldi erraza izaten ari gizonezkoen lehen taldearentzat, izan ere, abendu hasieratik zortzi partidako bolada txarra zeraman punturik lortu gabe. Baina gure mutilek ez zuten amore eman, entrenatzen eta ahalegintzen jarraitu zuten eta egoerari buelta eman zioten. Larunbatekoarekin lau partida daramatzate jarraian garaipena lortuz eta sailkapenaren erdialdera gerturatu dira.
Iñigok entrenatutakoek aurkari zuzen batekin zuten partida larunbat honetan, Mugarri Ingou Arrasaterekin. Horiak, jokoan zegoenaren jakitun, oso urduri egon dira partida osoan zehar, eta bisitariek zortzi goleko aldea ere izan dute. Bigarren zatian defentsa aldaketa baten ondorioz, gure mutilak markagailuan hurbiltzen joan dira, eta hiru minuturen faltan aurretik jarri dira. Amaiera zirraragarria izan da, etxekoen baloi-galeraren ostean, arrasatearrak azken minutuan berdindu dute eta hamabost segundoren faltan UROLA EK LAZTIMENDIk garaipenaren gola sartu du.
Garaipenarekin, Zumarragakoek lau puntuko aldea ateratzen diete Arrasatekoei, bi jardunaldiren faltan. Bederatzigarren postuan daude sailkapenean, baina borrokan jarraitu behar dute, ez baitago argi zenbat talde jaitsiko diren. Dena goragoko mailetako igoeren eta jaitsieren araberakoa da. Animo mutilak!
Nahiz eta bigarren fase honetan puntuak lortzea kostatzen ari zaion, gizonezkoen bigarren taldea, UROLA EK CRISTALERÍA GOIHERRI, denboraldi ona egiten ari da. Kontuan hartu behar da tituluagatik borrokatzen duen talderako sailkatzea lortu zuela eta esperientzia hau oso baliagarria izango da gazteak kategorian zailtzeko.
Asteburuan, irabazteko zorian egon da Donostian.
UROLA EK ANTONIO ARANZADIk (jubenil mutilak) ere Donostian jokatu du. Bera Beraren, bere multzoko liderraren, aurka egin du, eta ez dio garaipena lortzeko aukera handirik eman. Bera Bera bere multzoko liderraren aurka egin du, eta ez dio garaipena lortzeko aukera handirik eman.
Denboraldi bikaina ere egiten ari den taldea kadete mutilena da. Euskal Ligarako sailkatzea lortu zuen eta larunbatekoarekin UROLA EK RSAk bere hirugarren garaipena lortu du maila honetan. Asko ikasten ari diren beste batzuk.
Kadete nesken bi taldeek Ispillan jokatu dute, eta UROLA EK GOIERRI BUSek gol bakar bateko aldeaz galdu du ligako titulua lortzeko borrokan ari den taldeko hirugarren sailkatuaren aurka, non gure neskak seigarrenak diren.
Bien bitartean, UROLA EK EUTSI taldeak garaipen erosoa lortu du, Diputazio Sariko A2 multzoko buru izaten jarraitzeko aukera ematen diona.
Infantiletan, neskek Ispillatik urrun jokatu dute eta mutilek zaleen babesean, garaipen eta porrot bana lortuz maila bakoitzean.
Bigarren urteko infantil neskek, UROLA EK URZUM taldeak, porrota jaso dute Leitzarani egindako bisitan. Lehen urtekoek, UROLA EK-k, garaipen sendoa lortu dute Oñatin.
UROLA EK ALAI KLINIKAko mutilek bi goleko aldeaz irabazi diote Amenabar B ZKEri, eta UROLA DESKARGA AROZTEGIAkoek ezin izan dute La Salle Legazpi gainditu Goierri Garaiko derbian.
