ASTEBURU OPAROA
Sei taldek izan dute partida eta bost garaipen lortu ditugu. Ez dago gaizki !!!
SENIOR GIZONEZKOAK
Gure lehen taldeak denboraldiko lehen garaipena lortu du larunbatean. Urnieta zuten arerio Ispillan eta partida osoan gureak nagusi izan dira. Hala eta guztiz ere, hasieran ez dute aldea zabaltzea lortu eta atsedenaldira bi goleko errenta motzaz (16-14) iritsi dira. Jarraipenean lerroak estutu eta aterako bidea hobeto isten asmatu dute. Erasoan eraginkortasuna mantenduz pixkanaka alde egin eta, aspaldian ez bezala, garaipen erosoa lortu dute, 34-24.
JUBENIL GIZONEZKOAK
Nagoren mutilek lehen bi puntuak eskuratu dituzte Irungo Bidasoa erraz gaindituz (32-15) Irundarrak ez dira arerio izan eta gureak norgehiagoka lasaia izan dute. Horrelako partidak maila berriari neurria hartzen joateko baliagarriak dira, gerora etor daitezken lehia estuagoei beste jarrera batez aurre egiteko.
KADETE GIZONEZKOAK
Garaipen garrantzitsua kadeteak Hondarribiaren aurka lortu dutena. Honddarbitarrak Gipuzkoako Txapelketarako sailkatzeko hautagaietako bat dira, baina uste baino arerio samurragoa suertatu dira. Lehen ordu laurdenean oreka izan bada markagailuan, ordutik aurrera hori-urdinak, defentsa sendotuz eta erasoan arin jokatuz, tartea zabaldu dute apurka-apurka. Defensan tinko mantenduz, etxekoen presa baliatu dute partida 22 eta 37 irabazteko eta multzoko buru jartzeko.
INFANTIL GIZONEZKOAK
Infantilak asteburu honetan izan dute estreineko jardunaldia eta lehen urtekoak atsedena izan duten bitartean, bigarren urtekoak garaipen erraza eskuratu dute (32-2). Egia 3 taldeko jokalariak lehen urtekoak ziren eta hori erabakiorra izan da lehiaren gidoian. Jokoan eta tamainan alde handia zegoen eta kolorerik gabeko partida izan da. Azpimarragarria bi taldeek erakutsi duten jarrera: gureak serio eta errezpetuz jokatuz, eta bisitariak amore eman gabe eta une oro burua goian dutela, ikasgai ederra eman digute. Biba zuek !! Animo denei !!
BESTE EMAITZA BATZUK:
Jubenil emakumezkoak: UROLA EK AIKER 23 - Eibar Eskubaloia B 14.
Kadete emakumezkoak: Usurbil KE A 39 - UROLA EK IRATI/UGARTE 16.
