KADETE GIZONEZKOEN GARAIPENAK
Beste talde guztiek esku hutsik amaitu dituzte beraien partidak.
Donibanen aurka 20-17 galdu ondoren, gure lehen taldeak irabazi ezinik jarraitzen du. Hobekuntza nabarmena izan da, batez ere defentsako lanean, eta hori-urdinak ez dute partida txarra egin, baina ez da nahikoa izan etxean sendo dabilen taldea menperatzeko. Jon Mendia eta “Canario”ren mutilak hasiera bikaina eman diote lehiari, bat eta bost aurreratu bai dira, baina etxekoak, apurka, markagailua orekatu dute eta lehen zatia estua izan da, atsedenaldira 11-10 iritsi direlarik. Gakoa bigarren zatiaren hasieran egon da, UROLA EK LAZTI MENDIkoek hamahiru minutu egon dira golik sartu gabe eta hori zama handiegia izan da. Defentsan eginiko lan onak partidan mantendu ditu urretxu-zumarragakoak eta gol bakar batea jartzeko gai izan diren arren, ahaleginak ez du fruiturik eman eta epaileak amaiera adierazi duenean pasaitarrak hiru goleko aldea zuten, 20-17.
Gainontzeko norgehiagoketan Leizarenen aurkako enfrentamentu bikoitza izan dugula da aipagarria. Infantil gizonezkoak Andoaindik garaipenik ekarri ezin izan duten bitartean (25-21) bigarren urteko kadeteek garaipen garrantzitsu bat lortu dute Ispillan (35-21). Garaipen honekin Alexek eta Nagorek entrenatutako mutilek sailkapenaren goialdean jarraitzen dute.
Lehen urteko kadeek Arrasaten jokatu dute eta jaun eta jabe izan dira norgeiagoka osoan. Arrasatearrek baino gehiago izan dira eta azkenik 19-34 argi batez nagusitu dira UROLA EK SUPER BMkoak.
Emakumezkoei dagokionez porrot argiak jasan dituzte bi taldeek. Lehen urteko UROLA EK AIKER taldeko neskak derbia zuten Legazpin eta gogo biziz saiatu diren arren ez dute aukera handiegirik izan, 5-22 galdu bai dute. Maila honetan lehen urtea dela eta talde erdia infantil mailakoak direla kontuan harturik, nahikoa egiten dute Imanol Alberdi eta Winnie-ren neskak. Lasai hartu, ikasi eta heltzen joateko urtea izango dute gure neska gazteak. Animo !!! Bigarren urteko neskak ere aukera gutxi izan dituzte Ispillan Elgoibarren aurka jokaturiko norgehiagokan eta 7-19 belaunikatu izan behar dute UROLA EK UGARTE HARATEGIA/IRATI KAFETEGIA taldekoak.
UROLA ESKUBALOI KLUBA
