LLORET CUP · 4. EGUNA, ASTEARTEA
Lehen fasea amaiturik, finalaurreak erabakita daude. Kirol arloan ez zaigu batere gaizki joan, lau talde garaikurren borrokan sartu bai ditugu. Gainontzekoan ere, betiko gora-behera batzuekin, primeran.
Gure taldeek partida gehien zuten egunak euria ekarri digu. Hala eta guztiz ere gure neska-mutilak ez dira kikildu eta gogor saitu dira. Jokatu duten lehenak 17 urtez azpiko UROLA EK “B” taldea izan da eta atzokoari jarraipena emanez partida ederra jokatu dute Alemaniako KSV Ajaxen aurka. Hasiera batean alemaniarrak hiru goleko errenta lortu badute ere, horitxoek ez dute etsi eta atsedenarako hamabinako berdindua zuten lehia. Bigarren zatian aurretik izan dira gureak eta garaipena eskuetan zirudien. Alemaniarrak, ordea, ez zeuden amore emateko prest eta hiru minuturen faltan bi goleko aldeaz aurretik ziren. Azken ahalegin batean Urretxu-Zumarragakoek hogeita hirunako berdinketa ezarri dute.
Jarraian maila berdineko UROLA EK “A” taldearen txanda izan da. Dagoeneko finalaurrenetarako sailkatuak, norgehigoka guztiak irabazita igarotzea zuten helburu. Hasieran batean bost goleko errenta lortu dute, baina Runar Handball-eko norvegiarrak gogoz aritu dira eta aldea horretan mantentzea lortu dute. Bigarren zatiko erdialdetik aurrera horitxoek pixkanaka tartea zabaltzen joan dira, azkenik 28-17 irabazteko.
Hirugarrenak kantxaratzen, UROLA EK “C”koak izan dira, hauek ere 17 urtez azpiko mailakoak. Garaipena nahi zuten txapelketari agur esateko, baina saitu diren arren ezin izan dute Juventut Mataró taldearekin. Hiru goleko desabantaila izan badute ere, ez dute amorerik eman eta markagailua orekatzea lortu dute. Une batzuetan aurretik ere izan dira, baina azkenean 15 eta 16 amore eman behar izan dute, azken jokaldian berdinketa lortzeko aukera izan duten arren.
Mutil gaztetxoenak ere, 15 urtez azpikoak, partida izan dute. Aurrekoak bezala Juventut Mataró taldearen aurka. Oso norgehiagoka estua ikusi dugu. Taldeak txandakatuz agindu dute markagailuan, baina errenta handiegirik gabe. Bigarrengoak gure mutilek izan dira une oro aurretik, baian azken segundoan eginiko jaurtiketa tutuak jo ondoren sartu da eta hor alde egin du garaipenak. Ondorioz beste berdinketa bat gure mutilentzat, oraingoan hamahiruna. Emaitza horiekin taldeko hirugarren sailkatu dira eta asteazkenean 5. eta 6. postuengandik borrokatu beharko dute Sport Lloret-en aurka.
Nesken taldeak bi partida izan ditu gaurkoan. Goizekoan CH Palautordera “B” izan dute aurkari. Lehen zatian bi-hiru goleko errenta nahiko azkar pilatu dute, baina kataluniarrak tartea estutzea lortu dute, atsedenaldira gol bakarrez agintzen iritsi garelarik. Bigarrengoan gure neskak defentsa sendotu dute (bi gol soilik jaso dituzte) eta pixkanaka zuloa zabaltzen joan dira, azkenik 9-16ko eroso batez garaipena lortuz.
Arratsaldekoan multzoko bigarren postua zegoen jokoan Naeroy IL taldeko norvegiarren aurka eta gure neskak 12-15 irabaziz finalaurretako bat jokatzeko eskubidea ematen duen postuaren jabe egin dira. Neskek ondo aritu dira baina garaipen borrokatua izan da, partida osoan aurretik izan arren, norvegiarrak inoiz amore eman ez dutelako eta azken unera arte lehian aritu beharra izan dira.
17 urtez azpiko mutilen UROLA EK “B” taldeak ere arratsaldean jokatu du eta UEH Calellaren aurka 17-20 galdu arren finalaurrenetarako sailkatu dira, KSV Ajax alemaniarrekin puntuta berdindurik egonik, beraiek baino gol alde hobegoa lortu bai dute. Partida osoa oso orekatua eta lehiatua izan da. Bi taldean tartekatuz agindu dute markagailuan, beti ere alde txikiaz. Bigarrengoan gure mutilek zertxobait behera egin dute eta sailkatu nahiak taldean aritzeak eragotzi die. Hala eta guztiz ere tartea mantentzen asmatu dute eta sailkapena lortzeko gai izan dira.
Bihar azteazkena zortzi partida jokatuko ditugu:
9:00etan, 17 urtez azpiko gizonezkoen finalaurrea. UROLA EK “A” - UROLA EK “B”
9:50etan, 17 urtez azpiko emakumezkoen finalaurrea. HC Fraulautern - UROLA EK
12:30 edo 16:40etan, 17 urtez azpiko emakumezkoen 3. eta 4. postua edo finala.
15:00etan, 15 urtez azpiko gizonezkoen 5. eta 6. postuak. UROLA EK – CH Sport Lloret.
15:50etan, 17 urtez azpiko gizonezkoen 3. eta 4. postuak.
16:40etan, 17 urtez azpiko gizonezkoen finala.
17 urtez azpikogizonezkoen mailan eliteko talden arteko txapelketa bat jokatzen ari da. Antolakuntzak 17 urtez azpiko bi txapelketetako arteko partida batzuk antolatu ditu, taldeak sailkapenaren arabera parekatuz. Gure mutilek, beraz, partida hauek jokatuko dituzte:
17:30etan edo 18:20etan, 17 urtez azpiko gizonezkoen eta 17 urtez azpiko gizonezko eliteen txapelketetan 4. edo 3. sailaktuen arteko partida.
19:10etan, 17 urtez azpiko gizonezkoen eta 17 urtez azpiko gizonezko eliteen txapelketetan 2. edo 1. sailaktuen arteko partida.
Ikusten denez biharkoa ere egun luzea eta gogorra datorkigu, beraz atseden hartzera joan beharko dugu.
BIBA UROLA ESKUBALOI KLUBA!!!
Argazki galerian, egun hauetan ataratako argazki batzuk dituzue.
