UROLA EK RSAko MUTILAK GIPUZKOAKO TXAPELDUN
Gabonetako geldialdiaren ondoren, lehiaketetara itzuli gara, zazpi garaipen, bi berdinketa eta hiru porretekin. Adierazi Bigarren Lurraldeko Senior gizonezkoek bi partida jokatu dituztela asteburu honetan eta azpimarratu UROLA EK RSAko kadete gizonezkoek Gipuzkoako Txapeldun izan direla.
1. LURRALDEKO GIZONEZKOAK
UROLA EK LAZTIMENDIren garaipena landua azken sailkatuaren aurka. Elgoibarko lehen lerroa oso inspiratuta agertu zen eta partida asko korapilatu zen gure mutilentzat. Horiek bigun antzean aritu ziren defentsan, eta bisitarien jaurtiketa ia guztiak gol ziren.
Etxekoen eraginkortasuna erasoan berdintasunari eusten zion. Epaia ez zen iritsi norgehiagokaren azken txanpara arte, Elgoibarko albokoen gaineko defentsa sakonago eta irekiagoaren ondorioz.
Emaitza horri esker, lider izateko borroka egingo dugu hurrengo jardunaldian Legazpira egingo dugun bisitan. Derbi zirraragarri bat izango delakoan gaude.
UROLA EK LAZTIMENDI, 30 - PIZZERIA SALENTO ELGOIBAR, 26
JUBENIL GIZONEZKOAK
Aurrez beraien aurka jokaturiko bi partidetan berdinketa eta porrot bana izan ondoren, oraingoan bai, UROLA EK ANTONIO ARANZADIk Urnietari irabaztea lortu zuen. Partida nahiko berdintsua izan zen, baina beti izan zuen kolore horia, 4 edo 5 gol arteko abantailekin.
Partida bat geratzen zaigu, Donibaneren aurka, ligaren bigarren zatia amaitzeko.
UROLA EK ANTONIO ARANZADI, 27 - URNIETA GURIA JATETXEA, 25
KADETE GIZONEZKOAK
UROLA EK RSAko mutilek Ordizia Eskubaloi taldeari gailendu zitzeien Ligako azken partidan, eta Gipuzkoako Txapeldun izan ziren. Jose Angelek eta Alainek entrenatutakoak partida bakarra galdu dute eta Euskal Ligan sartzeko aukera ematen duen sektorea jokatzeko sailkatu dira, merezimendu osoz.
Sektore hori datorren asteburuan jokatuko da Ispillan. Gipuzkoako Txapeldunaz gain, Euskal Ligako zazpigarren sailkatua (Ereintza), Bizkaiko Ligako bigarrena (Urdaibai) eta Gipuzkoako Ligako hirugarrena (Hernani) egongo dira. Lehenengo hirurak Euskal Ligaren hurrengo faserako sailkatuko dira, eta horrek, Estatuko Txapelketarako sailkapena erabakiko du.
BEJONDEIZULELA, MUTILAK !!! EUTSI !!!
UROLA EK RSA, 31 - ORDIZIA ESKUBALOIA, 19
KADETE EMAKUMEZKOAK
UROLA EK EUTSIko neskak berdinketa batekin eman zioten amaira Ligari Orion. Berdinketa horri esker, zortzigarren postua eskuratu dute.
OSO ONDO, NESKAK !!!
SUMMER IN THE USA ORIO ERAGIN, 30 - UROLA EK EUTSI, 30
