ZIZTU BIZIAN !
Dagoenekoz, Klubeko ia talde guztiak daude lehian. Asteburu honetan, zaharrenek bigarren jarduera jokatu dute eta gaztetxoenek debuta egin dute. Denetariko emaitzak izan ditugu: sei porrot, bi berdinketa eta bi garaipen.
1. LURRALDEKO GIZONEZKOAK
Berdinketa larunbatean Ispillan UROLA EK LAZTIMENDI eta La Salle Legazpiren artean jokaturiko derbian.
Etxekoen hasiera itxaropentsua izan zen, lehen hamar minutuetan ez zuten golik jaso eta 5-6 goleko errentak lortu zituen. Hala ere, bisitarien bultzadari eta horitxoen behartu gabeko akatsei esker, markagailua orekatu egin zen, eta atsedenaldia 13 eta 10ekoarekin iritsi zen.
Bigarren erdia alderantziz hasi zen, UROLA EK LAZTIMENIk ezin izan zituen gauzatu sortutako aukerak, Legazpiko atezainaren jarduera bikainaren ondorioz. Hala, bisitariek bi goleko errenta lortu zuten, eta gureek, erasoan atezaina kenduz egin zien aurre zailtasunei.
Inixiok entrenatutakoek markagailua irauli zuten, eta hiru gora jarri ziren finalerako minutu gutxi falta zirela. Aldea behin betikoa zirudien, baina kanporatze batek baldintzatu egin zuen etxekoen defentsa, eta jaurtiketetan asmatu ez zutenez, 21nako berdinketaz amaitu zen norgehiagoka.
Azken segundoetan lokalek ez zuten jaurtitzea asmatu ere egin, eta sentsazio gazi-gozoa utzi zuten emaitzari dagokionez, baina baikorra lehiakorrak izan zirelako hain talde zailaren aurrean.
Hurrengo bidaia Ordiziara izango da, eta, aurkariaren maila dela eta, partida oso bat egin beharko dugu.
UROLA EK LAZTIMENDI, 21 - LAUDIBE JATETXEA LEGAZPI, 21
