KLUBEKO GAZTEENEN DEBUTA, ILUSIOZ BETETA
MOVEMBER ekimenarekin elkartasuna
Sei garaipen, berdinketa bat eta lau porrot
Igande honetan alebinek eta benjaminek denboraldiko lehen jardunaldia jokatu dute. Askorentzat UROLA ESKUBALOI KLUBAren kamiseta jantzi duten lehen aldia izan da, hori egitearen ilusioak eta harrotasunak betirako irautea espero dugu.
Alebin misto taldeak garaipenarekin egin zuen debuta Oñatin, Aloña Mendiren aurka. Bitartean, bigarren urteko alebinak eta Eskubaloi Eskolako kideak Bergarara joan ziren, eskolen arteko lehen jardunaldiaz gozatzera. Bergara KE-ko (jardunaldiko antolatzaileak) Aloña Mendi, Arrasate eta La Salle Legazpiko eskubaloi eskoletako neska-mutilak izan zituzten bidelagun. Ea laster Zumarragan elkartzeko aukera dugun.
Federatutako taldeen artean, partidarik jokatu ez duten bakarrak Emakumezkoen Seniorrak izan dira. Gainontzeko neskek Ispillatik urrun jokatu dute eta ez da jardunaldi emankorra izan. UROLA EK EUTSI eta UROLA EK GOIERRIBUS taldeetako kadeteek galdu egin dute Orion eta Ordizian, hurrenez hurren.
UROLA EK URZUM taldeko infantilek ere ezin izan dute Boga Boga Orio Eraginen aurka eta puntu bat irabazi duten emakumezko talde bakarra lehen urteko infantilak izan dira, Legazpin berdinketa lortuz.
Gizonezkoen taldeei dagokienez, UROLA EK LAZTIMENDIk denboraldiko bigarren garaipena lortu du, eta, horri esker, azken postuetatik aldendu eta sailkapenaren erdialdean dauden taldeetara hurbildu da. Irabazi ezinik jarraitzen duena UROLA EK CRISTALERIA GOIHERRI da. Ez etsi, mutilok!
UROLA EK ANTONIO ARANZADIko Jubenilak eta UROLA EK RSAko Kadeteak garaitezinak jarraitzen dute, Gipuzkoako Ligako bigarren fasean jokatutako partida guztiak irabazi dituztelarik.
Infantil mutilek norgehiagoka bikoitza izan dute Ereintzarekin, eta bi taldeek, UROLA EK ALAI HORTZ KLINIKAk eta UROLA EK DESKARGA AROZTEGIAk, garaipen nahiko erosoak lortu dituzte.
Aipatzekoa da gizonezkoen lehen taldeko partidan parte hartu zuten guztiek bat egin zutela MOVEMBER ekimenarekin. Movember mugimenduaren helburua gizonen osasunaren inguruan gogoeta egitea da. Zehazki, prostatako eta barrabiletako minbiziari eta buruko osasunari buruz. Hausnarketa hori gizarteratzeko, gizonei bibotea uzteko eskatzen diete.
Horrez gain, hainbat ekitaldi antolatzen dituzte.
Bi zozketa ere egin ditugu. Alde batetik, JANNET HARATEGIAK eskaini dizkigun produktuak zozkatu ditugu, larunbatean partiduak ikustera joan eta boletoren bat eskuratu zutenen artean. Celia Gonzalez izan da irabazlea.
Bi zozketa ere egin ditugu. Alde batetik, JANNET HARATEGIAK eskaini dizkigun produktuak zozkatu ditugu, larunbatean partiduak ikustera joan eta boletoren bat eskuratu zutenen artean. Celia Gonzalez izan da irabazlea.
Bestalde, ATA HARATEGIAK eman digun lotea klubeko bazkideen artean zozketatu dugu eta irabazlea 56. bazkidea izan da, Roberto Fernandez Betolaza.
