SOILIK GIZONEZKOEN TALDEAK JOKATU ZUTEN
Seniorrak eta jubenilak ondo hasi zituzten txapelketa berriak
Egutegia dela eta, emekumezkoen taldeak atseden zuten eta soilik gizonezkoen taldeek jokatu zituzten partidak. Seniorrak, jubenilak eta kadeteak Gipuzkoako Kopa lehiaketari ekin zioten.
Lehen taldeak Urnieta Balerdi Harategia 33 eta 25 garaitu zuen larunbatean Ispillan. Txukun aritu ziren UROLA EK LAZTIMENDIko mutilak, batez ere, arrazoi desberninak direla eta, Inixiok talde gaztea kantxaratu beharrean izan zela kontuan hartzen badugu. Hasieran bisitariak aurreratu ziren arren, gure mutilek azkar batean irauli zuten markagailua eta apurka tartea zabaltzea lortu zuten, atsedenaldira bost goleko aldea zutelarik (17-12) Urnietarrak ez zuten amorerik eman eta etxeko taldea estu hartu zuten, hala eta guztiz ere hori-urdinak partida eta errenta kontrolpean izan zuten une oro, 33 eta 25 gailendu zirelarik.
Jubenilak, kadeteen batzuen laguntzaz, Karibe Zaharra talde menderatu zuten (22-29) Legazpin jokatutako norgehiagokan. Partida ona jokatu zuten UROLA EK LUIS ANGEL ITURGINTZAkoak eta zuten eragozpen handirik izan bizilagunak mendean hartzeko.
UROLA EK A. ARANZADIko kadeteek berriz aukera gutxi izan zuten Euskadiko Ligan aritu den Tekniker Eibar tadearen aurka. Amaieran gure mutilek 38-20 galdu zuten
Infantil mailako bi taldeak igandean Ispillan jokaturiko beraien lehiak galdu zituzten. Lehendabizi UROLA EK GOIERRIBUSeko gaztetxoak aritu ziren Aloña Mendiren aurka. Lehen zati oso orekatu baten ondoren (hamahiruna atsedenaldian) bigarren zatiaren hasieran oñatiarrak hiru goleko aldea lortu zuten eta errenta ondo kudeatzeko gai izan zirelarik 24 eta 25 nagusitu ziren.
Jarraian lehen urteko gure mutilak kantxaratu ziren. Hauek ere, jubenilak bezala, derbia izan zuten Legazpiko auzotarren aurka. Jon Requejoren mutilak ondo hasi baziren ere, gerora La Salle-Legazpiko gaztetxoak nagusi izan ziren eta 10-21 argi batez garaitu ziren.
