JOKOAN ZEUDEN PUNTUEN ERDIAK POLTSIKORATU GENITUEN ASTEBURUAN
Jubenil neska-mutilak eta bigarren urteko infantilak irabazi; seniorrak berdindu; kadete neska-mutilak eta lehen urteko infantilak galdu.
UROLA EK LAZTIMENDIkoek hogeita launako berdinteka garrantzitsu bat lortu zuten Tolosan. Beste behin gure talde nagusiak emaitza ona lortu zuen sailkapeneko goi-aldean dagoen talde baten aurka -hiru lehen sailakatuen aurka berdindu du- lehiakorra dela erakutsiz. Orain, lehiakortasun horri jarraipena eman behar zaio maila apalagoko taldeen aurka.
Tolosako partida oso orekatua izan zen. Lehen zatian etxekoak izan ziren aurretik markagailuan, baina ez zuten tarte handirik lortu. Bigarrengoan ordea sei goleko errenta lortu zuten eta bazirudien gure mutilak esku hutsik bueltatuko zirela. Baina ez zen horrela izan, hori-urdinak izaera, nortasuna eta kasta erakutsiz, ez zuten amore eman eta azken unera arte borrokatuz esperantzarako berdinket bat lortu zuten.
Jubenil gizonezkoak Elgoibarren garaipena lortu zuten (25-28) Partida ona jokatu zuten UROLA EK LUIS ANGEL ITURGINTZA taldeko mutilek eta norgehiagoka kontrolpean izan zuten une oro. Azken hamar minutuetan irabazteko gogo biziak zertxoabait nahastu zituen eta Nagorek baretu beharra izan zituen, baina garaipena ez zen arriskuan egon.
Jubenil mailakoen asteburua borobilduz, neskak ere garaipena lortu zuten Ispillan Eibarren aurka. Lehen zatian ez ziren ondo aritu, baina bigarrengoan jokoa indartu, sendotu eta garaipen lasai bat (21-14) lortu zuten UROLA EK AIKERekoak.
Kadete mailan bi porrot jasan behar izan genituen. Mutilek, Donostian Saiekoren aurka galdu zuten 35 eta 29. Lehen zatian txukun aritu ziren eta atsedenaldira gol bateko abantailaz iritsi ziren. Bigarrengoan etxekoak partida berdindu zuten eta gure mutilengan urduritasuna nagusitu zen eta ez zuten partidan sartuta mantentzen asmatu. Presaka aritzeak ez zien mesederik egin eta akats asko egin zituzten, donostiarrei gauzak erraztuz.
Kadete neskak ere galdu egin zuten, baina hauen norgehiagoka mutilena baino orekatuago izan zen. Bi taldeak gogor lehiatu ziren eta neurketa polita eskaini zuten. Amaiera hobetoen kudeatu zuen taldeak lortu zuen garaipena, lastima gureak ez izatea. Amaieran, Ereintza 15 - UROLA EK UGARTE HARATEGIA/IRATI KAFETEGIA 13.
Infantilak:
Amenabar C ZKE 20 - UROLA EK 19
Eibar Eskubaloia A 18 - UROLA EK GOIERRIBUS 22
