LEHENENGO JARDUNALDIA LLORETen
Aurkezpen desfilea eta lehen partidak. Galeriak dituzue argazki batzuk.
Goiz lasai eta atsegin baten ondoren, 15:00ak aldera, batukadaren doinuaz lagundurik, aurkezpen desfilea izan dugu. Frantzia, Norbegia, Finlandia, Danimarka, Alemania, Britainia Handia, Katalunia eta Euskal Herriko taldeak lehiatuko gara Lloret Cup 2014 honetan.
18:00etatik aurrera bata bestearen atzetik joan dira debuta egiten gure talde guztiak kadete neskak ezik. Ez dute zortea lagun izan eta ia denek galtzaile irten dira. Salbuespen bakarra mutil zaharrenak izan dira, hauek Lougborug britaniarra menperatu dutelarik. Talde honetan gaur egungo jokalariak eta jokalari ohiak ari dira elkarrekin.
