LEHENGO LEPOTIK BURUA
Jubenil mutilak eta bigarren urteko kadete mutilak, bi puntuak lortu dituzten bakarrak.
SENIOR GIZONEZKOAK
Lehen taldeak partida kaskarra jokatu du Leizaranen aurka. Andoainen jokaturiko norgehiagokan garaipena eskuragarria zirudien, baina UROLA EK LAZTIMENDIkoek beraien mailatik urrun aritu dira eta aldeko emaitzarik lortzeko inungo aukerarik ez dute izan. Bizitasunik gabe, baloiak erraz galduz . . ezezagun aritu dira Urretxu-Zumarragakoak eta etxekoak garaipen eroso bat (31-21) lortu dute. Joko txepelak utzitako aho-zapore mingotsa gozatzeko era, datorren asteburuan Zarautzen garaipena lortzea bezalakorik ez dago. ANIMO MUTILAK, ALTXA BURUA !!!
KADETE GIZONEZKOAK:
UROLA KE SUPER BM taldeko gaztetxoak partida gogorra zuten Eibarren mailako oilarretako baten aurka. Hori gutxi balitz, arrazoi desberdinengatik, jokalari asko falta zituzten. Eragozpen horien aurrean ez dira kikildu eta emaitza duin bat lortu dute hori-urdinak. Lehen zatian eibartarren nagusitasuna erabatekoa izan bada, 21-11 atsedenaldian, bigarrengoan jokoa orekatuago izan da. Neurri batean etxekoak zerbait erlaxatu direlako, baina baita ere Moran eta Maniegaren mutilek amorerik eman ez eta berean jarraituz hobera egin dutelako. Amaieran 33-21.
UROLA KE LUIS ANGEL ITURGINTZAKO mutilek ez dute eragozpenik izan igande goizean jokatutako norgehiagokan Bergara menpean hartzeko. Defentsan sendo, baloi asko lapurtu dituzte eta kontraerasoei esker, laster aurreratu dira gure mutilak. 15. minutuan 15-0 zihoazen. Nagusitasuna, astean zehar entrenatutako jokaldiak landu eta jokalariak ez-ohiko postuetan jokatzeko balio izan dute. Azken emaitza 44-6 izan da.
Beste emaitza batzuk:
Jubenil gizonezkoak: UROLA EK SUPER BM 30 – Ormaiztegi 18
Kadete emakumezkoak: Aloña Mendi B 29 - UROLA UGARTE HARATEGIA/IRATI KAFETEGIA 8
Kadete emakumezkoak : UROLA EK AIKER 6 – Carpintería Baskongadas 11
Infantil gizonezkoak: Ordizia Orkli 20 - UROLA EK GOIERRI BUS 12
