KADETE MAILAKO NESKEK BAKARRIK LORTU DUTE GARAIPENA
Ez da asteburu ona izan, jokoan zeuden hemezortzi puntuetatik bost baino ez baititugu lortu.
Bi garaipenak kadete mailako emakumezkoen UROLA EK EUTSI eta UROLA EK GOIERRIBUS taldeek lortu dituzte. Bi taldeek Ispillatik urrun jokatu dute eta biak puntuekin itzuli dira Andoaindik eta Arrasatetik, hurrenez hurren. Lehenengoak euren multzoko liderrak dira Aldundia Garaikurrean jokatutako bi partidak irabazi ondoren. Bigarrenak, berriz, zazpigarren dira Gipuzkoako Txapelketan. Sailkapen horretan sei talde hiru puntutan daude.
Bosgarren puntua UROLA EK DESKARGA AROZTEGIA taldearentzat izan da. Fran eta Unaxek entrenatutakoak Gipuzkoako Txapelketako lehen faseko azken partida jokatu dute, euren multzoko bigarren postua lortuz, eta horrek Gipuzkoako txapeldun izateko multzoan jokatzeko eskubidea ematen die.
Oraingoan Ispilla ez da talismana izan, lau porrot jaso ditugu, nahiz eta egia den hiru oso gol gutxigatik. Gizonezkoen lehen taldeak, UROLA KE LAZTIMENDIk, zazpi porrot jarraian daramatza. Horietako sei hiru goleko edo gutxiagoko aldeagatik izan dira, eta, beraz, agerian geratu da taldea lehiakorra dela eta ez duela amore eman. Ziur gaude laster iritsiko dela garaipena, inflexio-puntua izango dena emaitza bolada on baterako.
Gol bakar baten aldeaz galdu dute gizonezkoen jubenilak, UROLA EK ANTONIO ARANZADIk, Diputazio Garaikurreko debutean, eta gizonezkoen infantilak, UROLA EK ALAI KLINIKAk.
Infantil mailako emakumezkoetan, UROLA EK URZUM taldeak ez du ondo hasi Gipuzkoako Txapelketaren bigarren fasea, lehen partidan Saiekoren aurka galdu baitu.
Ispillatik urrun bi garaipen eta bi porrot. Aipatu ditugu garaipenak. Porrotak UROLA EK CRISTALERIA GOIHERRI bigarren lurraldeko gizonezko seniorrarentzat eta UROLA EK RSArentzat izan dira. Lehenak Gipuzkoako Txapeldun izateko borrokan daude eta bigarrenak Euskadiko Txapelketan ari dira.
* Atzeratua / Aplazado
