ESKUBALOIAZ BLAI !!!
Eskubaloiz kargaturik etorri zen urtarrilaren azken asteburua. Ohiko txapelketei, Jubenil Gizonezkoen mailako Euskal Ligara igotzeko Play Off-a gehitu zitzaion.
JUBENIL GIZONEZKOAK
Dagoenekoz aipatu dugun bezala, Jubenil Mutilak kategoriako Euskal Ligara igotzeko Play Offak markatu du asteburua. Trapagaran Eskubaloia, Beltzagorri Eskubaloi Kluba, Egia Eskubaloia eta UROLA EK CRISTALERÍA GOIHERRIko gure mutilek parte hartu zuten. Txapelketa bizi eta zirraragarri baten ondoren, Egiako donostiarrek irabazi zuten igoera ematen zuen txartela.
Gureak oso ondo hasi ziren ostiralean Trapagaran garaituz, partida oso lehiatu eta horitxoen aldetik ondo jokatutako batean. Larunbatean ez ziren ondo sartu Egiaren aurkako partidan, eta hasiera txar horrek baldintzatu egin zuen partidaren bilakaera, eta Iñigoren mutilek ez ziren lehiatzeko gai izan. Azkenik, larunbatean bazirudien Beltzagorriren aurkako lehen zati duinean arantza aterako zutela, baina bigarren zatian behera etorri ziren eta garaipena, eta bigarren postua Bizkaia aldera joan ziren.
Klubak zorionak eman nahi dizkie jokalariei eta teknikariei egindako ahaleginagatik eta jokoagatik, eta eskerrak eman nahi dizkie hiru egunetan Ispillara joan zen ikusle guztiei, mutilei eskaini zien laguntzagatik eta adorea emateagatik.
UROLA EK CRISTALERÍA GOIHERRI, 33 - TRAPAGARAN ESKUBALOIA, 32
EGIA ESKUBALOIA, 38 - UROLA EK CRISTALERÍA GOIHERRI, 26
UROLA EK CRISTALERÍA GOIHERRI, 21 - BELTZAGORRI ESKUBALOIA, 25
1. LURRALDEKO GIZONEZKOAK
UROLA EK LAZTIMENDIren garaipen garrantzitsua denboraldian zuzeneko arerioetako bat izaten ari den taldearen aurrean.
Saiekok, jokalari garrantzitsuen hutsuneak izan arren, lehiari aurre egin zion pibotearekin jokatuz, lehen mailako jaurtiketekin eta atezainak eginiko ekarpenekin.
Bestalde, horitxoek garaipanaren garrantziaz jabeturik, partida oso serioa egin zuten, aurkariari aukerarik eman gabe. Espero izatekoa zenez, bisitariei lehia luze egin zitzaien, eta, amaiera aldera, gure mutilek markagailuan tartea zabaltzea lortu zuten, 32 eta 23.
Garaipen honekin, taulako puntuen aldea handitu eta gol average partikularra berreskuratuko dugu.
UROLA EK LAZTIMENDI, 32 - SAIEKO GRUPO SEYPREL, 23
1. LURRALDEKO EMAKUMEZKOAK
Nagoreren neskek ezin izan zuten ezer egin Oriora eginiko bisitan, oriotarrak hobeak izan baitziren. Lehen zati kaskar baten ondoren, bigarrenean, UROLA EK CONSTRUCCIONES ANTIO taldeko neskak suspertu, indarberritu eta kementsu jardun zuten, zati txukun bat jokatu zutelarik.
Bertaratutakoek epaileen erdipurdiko lana azpimarratu zuten. Bisitarien aurka aritzeaz gain, erakutsitako utzikeria salatu zuten, non une batzuetan jokalarien segurtasun fisikoa bermatu ez zutelarik.
Zutitu, aurrera begiratu eta eskubaloiaz gozatzen jarraitzea besterik ez da gelditzen. Aupa Neskak!!!
ZUHEGAN ORIO ESKUBALOIA, 39 - UROLA EK CONSTRUCCIONES ANTIO, 20
