ASTEBURU BIDAIARIA
Talde guztiak Ispillatik urrun aritu dira
Bi talde, seniorrak eta jubenil gizonezkoak, Oñartin aritu ziren larunbat arratsaldean eta biak esku-hutsik etorri ziren. Lehen taldeak ez zuen partida txarra jokatu, baina ez zen nahikoa izan lehian zeuden bi puntuak poltsikoratzeko (31-26) Defentsa lanetan txukun aritzen dira hori-urdinak, baina erasoan hobetu beharra dago. Boladaka aritzen direnez, jarraikortasun gehiago lortu behar dute erasoan eta talde lana ere hobetu beharrean dira, askotan bakarkako ahaleginetan oinarritzen bait da jokoa. Gure mutilen izaera ezagututa, ziur gaude ahaleginduko direla eta emaitzak laster ikusi ahal izango ditugu.
Jubenil gizonezkoak ere burumakur itzuli ziren Oñati aldetik baina partida ona jokatu zuten. Markagailuan aurretik izan ziren baina jokalari gutxirekin joan izana garesti ordaindu zuten. Partida amaieran nekea pilatu zuten eta hori erabakigarria izan zen azken emaitza erabakitzean. Amaieran 24-21.
Kadete gizonezkoak Hondarribian lehiatu zuten. Ez ziren ondo hasi Moranen mutilek. Akats ugari egin zituzten eta etxekoak tartea zabaldu zuten. Gureak onera egin eta aldea gol batera murrizteko gai izan ziren, baina hiru jokalarik min hartu zuten eta epaileek hartutako erabaki eztabaidagarri batzuk, erreakzio hori zapuztu zuten. Partida hor amaitu zen eta amaiera arte ahalik eta hobekien iristea izan zen helburua. Amaireko 40-28koa gehiegizkoa da.
BESTE EMAITZAK:
Jubenil Emakumezkoak: Urnieta Quel abogados 20 - UROLA EK AIKER 16
Infantil Gizonezkoak: La Salle Legazpi 9 - UROLA EK GOIERRIBUS 27
Infantil Gizonezkoak: Ordizia Orkli - UROLA EK Atzeratua
