AUKERARIK GABE
Gabaz Elgoibarren aurka galdu ondoren lehen taldea aukerarik gabe gelditu da Gipuzkoako Kopan.
Lehia interesgarria eskaini digute UROLA EK LAZTIMENDIk eta Gabaz Elgoibarrek larunbat arratsaldean Ispilla kiroldegian.
Zehaztasun gutxirekin hasi dira bi taldeak eta lehen gola sartzea kosta zaien arren, partida txukuna eta orekatua jokatu dute. Jokaldi polit eta ikusgarriekin, partida entretenigarria izan da. Atsedenaldira etxekoak iritsi dira aurretik (13-11)
Bigarren zatia ildo beretik joan da. Arlo guztietan oreka izan da nagusi, baina bisitariek hobeto kudeatu dituzte jokalari gutxiagorekin aritu diren uneak eta partida iraultzea lortu dute, azkenean 26-28 nagusitu direlarik.
Porrot honekin hori-urdinak Gipuzkoako Kopan zituzten aukera guztiak xahutu dituzte eta falta diren bi norgehiagoketan ez dute ezer jokoan izango.
BESTE EMAITZA BATZUK:
Jubenil gizonezkoak: UROLA EK SUPER BM 39 - Egia Baztarre taberna 32
Infantil gizonezkoak: Zalla Taberna Pulpo 26 - UROLA EK GOIERRI BUS 20
