SARI GUTXI EGINIKO JOKOARENTZAT
Ongi lehiatu dira UROLA EKeko taldeak asteburuan. Alde gutxiz erabaki diren partidak eskaini dizkigute, batez ere mutilak, eta merezi izandakoa baino gutxiago jaso dutenen sentipena dugu.
UROLA EK GOIERRIBUSeko infantilak izan dira lehenak lehiatzen eta lehen zatiaren erdialdera urretik baziren ere, errenteriarrak markagailua irauli dute atsedenaldirako (6-7) Bigarrengoan, bisitariak tartea zabaldu dute eta bazirudien erraz nagusituko zirela. baina gure mutilak ez dira kikildu eta berdintzea lortu duten arren ez dira aurretik jartzeko gai izan eta azkenean amore eman behar izan dute, 14-17. Mikelen eta Oierren mutilak geroz eta lehiakorragoak dira, eutsi horri mutilak!!!
Jokuan hobeto ari direnak lehen taldekoak dira. Hala eta guztiz ere, hobekuntza hori ez da nahikoa izan Donibane garaitu eta bi puntuak poltsikoratzeko. Lehen zatian goraberatsu aritu dira. Hasieran bost eta bat aurreratu badira ere, bisitariek aldea ezabatu eta aurretik jartzea lortu dute lehen zati horren erdialdean. “Canario”k eta Mendiak taldea berrantolatu dute eta horrek fruitu onak eman ditu, atsedenaldirako UROLA EK LAZTIMENDIkoak berriz ere aurretik bai ziren (10-9) Bigarrengoa oso orekatua izan da, batez ere lehen hamabost-hogei minutuetan. Hori-urdinak ez dute tartea zabaltzen asmatu eta amaiera aldera bisitariek, patsadatsuago jokatuz, beraien aldera desorekatu dute lehia (20-22) Zigor handiegia gure mutilak eginiko lanarentzat, baina bidea zein den argi dutenez eta amore emango ez dutela jakitun geranez, garaipenak laster etorriko direlakoan gaude.
Larunbata goizean gure taldeak galtzaile suertuatu badira ere, arratsaldean garaipenak gure mutilen alde erori dira, bai jubenila, bai lehen urteko kadeteak partida lehiatuak bereganatu bai dituzte. UROLA EK SUPER BMko jubenilak zarauztarrak baino gehaigo izan dira jokoan, baina kostaldekoak, beraiei komeni zitzaien partida eginez, une oro lehian mantendu eta gauzak zaildu dizkie Imanolek eta Ikerrek entrenatutako mutilei. Azkenean, gaitz erdi, bi puntuak Urretxu-Zumarraga aldean gelditu dira, 27-24.
Lehen urteko kadete mutilak ere zarauztarrak izan dituzte arerio eta maila honetan ere bi puntuak Ispillan gelditu dira. Morandarren eta Angelen mutilak partida ona jokatu dute eta merezimenduz nagusitu dira (35-31) Hala eta guztiz ere zarauztarrak ez dute amorerik eman eta azken unera arte behartu dituzte UROLA EK A ARANZADIko mutilak.
Igandean jokaturiko neurketetan, bigarren urteko kadete mutilak gol bakar batez, 30-31, nagusitu dira Eibarrera eginiko bisitan. Maila bereko neskak ordea, beraien partidak galdu dituzte; 26-15 bigarren urtekoak Urnietan eta 10-16 lehen urtekoak Ispillan Leizaranen aurka.
