UROLA EKeko ORDEZKARITZA GASCAn
Klubeko taldeek hiru garaipen eta sei porrot lortu dituzte
Maila goreneko partidak zuzenean ikustea gazteak eskubaloira hurbiltzeko eta lotzeko modurik onenetako bat da. Gure jokalariek miresteko, islatzeko eta imitatzeko erreferentziak izatea, garrantzitsua da kirol eder honekiko grina fidelizatzeko.
Horregatik, Klubetik irteera bat antolatu dugu Super Amara Bera Bera eta HGS Bensheim/Auerbach Flames taldeen arteko European Leagueko ligaxkako azken partida ikusteko. CB UROLA EK taldeko 79 kidek gozatu dute probintziako emakumezkoen lehen taldearen final-laurdenetarako sailkapenaz.
Ekainaren 6, 7 eta 8an eliteko eskubaloia ikusteko beste aukera bat izango da, Errege Kopako Azken Fasea Irungo Artalekun ospatuko baita. Animatuko gara?
Gure taldeen lehiari dagokionez, UROLA EK LAZTIMENDI taldeak Oñatin lortutako garaipena azpimarratu behar da, zortzi porroteko bolada txarrari amaiera eman baitio. Taldeak sailkapeneko behealdean jarraitzen du, baina garaipen honek itxaropena ematen dio taldeari eta inflexio puntua izango da. Aurrera mutilak!!!
Aipagarria da, baita ere, UROLA EK RSAren Euskal Ligako bigarren garaipena, Ispillan Gasteizko Corazonistas Simari 45 eta 38 irabazi ondoren. Kadeteak lehiakor agertu ziren aurreko jardunaldietan eta bi garaipen jarraian lortu dituzte. Hurrengo jardunaldian liderrarri, Balonmano Barakaldori, egingo diote bisita.
Bitxikeria bezala, emakumezkoetan hiru norgehiagoka jokatu ditugu UROLA EK eta Leizaran Eskubaloia taldeen artean: garaipen bat guretzat, UROLA EK GOIERRIBUS taldearena kadeteetan, eta bi Andoaingoentzat, infantiletan. Garaipenak, hirurak, kanpoko taldeentzat.
Gainerako lau partidetan, denak porrotak. Gol gutxiko aldeaz, UROLA EK CONSTRUCCIONES ANTIOrentzat (Senior Neskak) eta UROLA EK EUTSIrentzat (Kadete Neskak). Argiagoak izan dira UROLA EK CRISTALERÍA GOIHERRIarenak (Gizonezkoen 2. Lurralde maila) eta UROLA EK DESKARGA AROZTEGIArenak (Infantil Gizonezkoak).
* Berta behera / Suspendido
