Kadete Gizonezkoen Euskal Ligara Igoera Fasea
Egoitzatako bat Zumarragako Ispilla kiroldegia izango da.
Asteburu honetan jokatuko da gizonezkoen Kadete Mailako Euskal Ligarako sailkapen sektorea. Bi multzo egongo dira eta horietako baten egoitza Zumarragako Ispilla kiroldegia izango da.
Zumarragan lau talde hauek arituko dira: Mek Eibar Eskubaloia A, Euskal Ligako zazpigarren sailkatua; UROLA EK RSA, Gipuzkoako Txapelduna; Muskiz Eskubaloia, Bizkaiko bigarren sailkatua; eta Urkunde Elgoibar, Gipuzkoako hirugarren sailkatua. Multzo bakoitzeko lehenengo hirurak Euskal Ligan aritzeko sailkatuko dira, denboraldiaren amaiera arte. Euskal Liga horrek erabakiko du Estatuko Txapelketarako sailkapena.
Hona hemen partidak eta ordutegiak:
2025ko urtarrilaren 24a, ostirala:
- 18:00 · Urkunde Elgoibar - Muskiz Eskubaloia
- 20:00 · UROLA EK RSA - Mek Eibar Eskubaloia A
2025ko urtarrilaren 25a, larunbata:
- 10:00 · Urkunde Elgoibar - Mek Eibar Eskubaloia A
- 12:00 · Muskiz Eskubaloia - UROLA EK RSA
2025ko urtarrilaren 26a, igandea:
- 09:30 · Mek Eibar Eskubaloia A - Muskiz Eskubaloia
- 11:15 · UROLA EK RSA - Urkunde Elgoibar
Lerro hauen bidez, Urretxu eta Zumarragako zale guztiei dei egiten diegu Ispillara joan eta gure mutilak anima ditzaten.
ZATOZ ISPILLARA ! DENOK ELKARREKIN, EGIN DEZAKEGU !
