EZIN IZAN DA
![alt](./images/fotos/693539522575_n.jpg)
Senior Gizonezkoek ezin izan zuten Urumea Kopa eskuratu, Mek Eibar Eskubaloiaren aurka erori baitziren.
Partida bizi eta orekatu baten ondoren, arauzko hirurogei minutuen amaierara 27nako berdinketarekin iritsi ziren. Luzapenak ere ez zuen txapelduna erabaki; 31na. Penaltietan, eibartarrak gureak baino gehiago asmatu zuten.
Iñaki Larreari, Arkaitz Aizpururi eta Xabier Tirapuri agur esateko ere balio izan zuen partidak, eskubaloiaren praktika aktiboa uzten baitute. Zorte on hemendik aurrera!
Emakumezkoen lehen taldeak, UROLA EK CONSTRUCCIONES ANTIOk, 23 eta 28 irabaziz esan zion agur denboraldiari. Garaipen honek Federazio Txapelketako seigarren postua eskuratzeko balio izan die gure neskei.
Datorren asteburuan kopa bat irabazteko beste aukera izango dugu; izan ere, larunbatean UROLA EK ANTONIO ARANZADI Aldaola Kopako finalerako sailkatu zen, Hernani ETri 33 eta 22 irabaziz. GOAZEN MUTILOK!
Eta nagusiak “gauza serio eta garrantzitsuetan” zebiltzan bitartean, hala nola kopa bat irabaztea edo final baterako sailkatzea, Klubeko txikienek, beste hamasei klubekin batera, primeran pasatu zuten larunbatean Camargon jokatu zen “La Maruca” XXIII. Txapelketan.