JUBENIL GIZONEZKOAK USURBIL KE GARAITU ZUTEN
Partida txukun batean 41 eta 37 nagusitu ziren.
Aurtengo denboraldian elkarren aurka jokatzen zuten hirugarren aldia zen. Beste bietan usurbildarrak erraz nagusitu ziren eta ondorioz horitxoek zaila zuten garaipena. Baina partida serio eta txukun batean nolabaiteko ezustekoa ematea lortu zuten UROLA KE ASPIRACIONES SANTA LUCIAko mutilek.
Markagailuak erakusten duen bezala erasoak defensei gailendu zitzaien. Lehen zatia oso orekatua izan zen, gola ate bietan txandakatzen ziren, baina ez batzuk, ezta besteek ez zuten bi goleko baino handiagoko errenta izan. Lehen zatiaren amaieran berdintasunaren erakusle 19nako berdinketa.
Bigarren zatiaren hasieran gauzak ez ziren gehiegi aldatu. Hamargarren minutuan, haiztearen ondorioak pairatu genituen eta Ispillan argindarra joan zen. Fokuak hoztu eta berriz berotzen ziren bitartean jokoa hamabost bat minutu egon zen etenik. Partida berriz ekitean Zumarraga-Urretxukoak, hobeto aritu ziren. Erasoan lehengo erraztasun berarekin eta defentsan sendoago, tartea zabaltzea lortu zuten. Amaieran lau goleko aldeaz, 41 eta 37, irabazi zuten.
