AZAROAREN 4 ETA 5EKO KRONIKAK ETA EMAITZAK
Julen Cabrera FRUTAS GARCÉSek emandako protuktu-sorta jasotzen.
Asteburuan, Zumarragako Bazkantza Egunean parte hartu du Klubak dastatzeko pintxoak zerbitzatuz. Kirol arloan, gure taldeek jokoan zituzten puntuen erdiak lortu dituzte: bost garaipen eta bost porrot. Datu bitxia: oraingoan, garaipen guztiak gizonezkoen taldeek lortu dituzte.
1. LURRALDEKO GIZONEZKOAK
Aurreko jardunaldian Hondarribian estropezu egin ondoren, UROLA EK LAZTMENDIk bere norabidea zuzendu zuen Ispillan.
Denboraldi batzuk ziren Urnietak Zumarraga bisitatzen ez zuena, Euskal Ligan jokatu baitu, eta partida bi aldeentzat ezezagunez beteta zegoen.
Urnietarrak tarteka hurbiltzen ziren arren, horiak une oro aurretik izan ziren 3-4 goleko aldeaz. Garaipena ez zen arriskuan egon, bisitarien ahaleginak eta sistema-aldaketak gorabehera.
Datorren asteburuan Leitzaran izango dugu zain, zuzeneko aurkaria, aurreko denboraldian gainditu ezin izan genuena, nahiz eta berdintasun handia izan.
UROLA EK LAZTIMENDI, 25 - URNIETA ARTOLA HARATEGIA, 20
*Azaroaren 1ean atzeratutako partida/Partido atrasado el 1 de noviembre
