ASTEBURUKO PARTIDEN LABURPENA
UROLA EK LAZTIMENDik zaharrak berri. Gainontzeko taldeetan denetik.
UROLA EK LAZTIMENDIren bolada txarrak ez du amaierarik eta beste porrot bat jasan du Leizaran taldearen aurka (34-36). Mendia eta “Canario”ren mutilek asmatu ezinik jarraitzen dute eta arerioek, ezer gutxi eginik, garaipena erraz samar bereganatzen dute. Oraingoan ere, hori-urdinak ez dute lehia beraienganatzen jakin eta partida orekatua izan den arren, une erabakiorrenetan andoindarrak gehiago izan dira. Gureak adorez baju dabiltz eta edozer eragozpeni aurre egiteko ahul agertzen dira.
Kadete emakumezko UROLA EK AIKER taldeak ere andoindarren aurka neurtu ditu indarrak asteburu honetan eta ahaleginak egin arren porrota jasan behar izan dute (15-12) Ez dira arerioa baino gutxiago izan, baina eginiko hutsegiteak erabakiorrak izan dira. Lehen hogei minutuetan eginiko jokoak esperantzarako beta ematen du eta jarraikortasuna lortuz gero garaipena gertuago izango dute Cabrera eta Piriz-en neskak. Eutsi horri neskak!!
Bigarren urteko UROLA EK LUIS ANGEL ITURGINTZAko kadete mutilak bi puntuak lortu dituzte Ordiziara eginiko bisitan. Lehen zatian erasoan kamuts aritu dira eta atezainak eginiko lanari esker partidan sartuta jarraitzea lortu dute (14-10) Bigarrengoan akatsak zuzendu eta arlo guztietan sendotasuna erakutsiz norgehiagoka irauli eta eroso samar (26-32) gailendu dira Nagorek entenatutako mutilak.
Maila bereko UROLA EK A. ARANZIDIkoek berriz, Egiaren aurka belaunikatu behar izan dute 30-18. Aurreko asteburuan partida borobila jokatu bazuten ere, oraingoan aspaldi jokaturiko kaskarrena egin dute Morandarrek eta Maniegak zuzenduriko mutilek. Partidari ongi ekin badiote ere, apurka adorea galtzen joan eta amore eman behar izan dute donostiarren nagusitasunen aurrean. Erasoan eginiko akatsek norgehiagoka balditzatu dute, gure mutilek urduritu eta presaka aritu bai dira lehia orekatzeko ahaleginean, eta azkenik merezitako baino porrot handiagoa jasan behar izan dute.
Gainontzeko taldeen emaitzak:
Jubenil mutilak: UROLA EK SUPER BM 31 – Pulpo Zumaia.net 27
1. urteko Kadete neskak: Aiala ZKE 33 - UROLA EK UGARTE/IRATI 12
Infantil mutilak: Amenabar ZKE C 17 – UROLA EK GOIERRI BUS 12
