HARROBIA INDARTSU
Gipuzkoakao Eskubaloi Federzioan eginiko ekitaldian, gure Klubeko bi jokalari, Clara Campos eta Imanol Garziandiak, beraien mailako goleatzaile onenen sariak jaso dituzte.
Urola Eskubaloi Klubak urtean zehar eginiko lananaren fruituak jasoz eman dio amaiera denboraldiari. Gipuzkoako Eskubaloi Federazioak urtero omentzen ditu denboraldian zehar nabarmendu diren jokalari, tekinkari eta taldeak. Aurtengoan Urretxu-Zumarragako taldea harro egoteko moduan dago, lau aipamen jaso bai ditu.
Clara Campos jubenil emakumezkoen mailan goleatzailerik onenaren saria jaso du, 15 norgehiagotan 92 gol sartu ondoren. Clara, UROLA EK AIKER-ACADEMIA ANA taleko pibote da eta postu horretan horrelako saria jasotzea ez da erraza. Sei metroko marra inguruan erakusten duen indarra eta trebeziak eta talde-lanak erabakiorrak izan dira gol kopuru horretara iristeko.
Talde lanak ere zerikusia izan du Imanol Garziandiak jubenil gizonezko mailako goleatzaile onenaren saria jaso ahal izan zedin. Imanolek eskuin alboko eta hegaleko postuetan jokatzen du, bietan eroso aritzen da eta erreferentzia izanten da bere taldekieentzat. Hau ez da izan Imanolek aurten jaso duen sari bakarra, Lloret de Mar-eko Nazioarteko Txapelketan jokalari onenaren saria jaso bai zuen.
Taldeka ere sari bat jaso du Klubak, jubenil gizonezko mailako kiroltasunaren saria hain zuzen ere. UROLA EK ANTONIO ARANZADIko jokalari eta teknikariek eginiko denboraldi onaren eta kirol balioei emaniko garrantziaren seinale izan da saria.
Markel Garraldak epailerik onenaren saria jaso izana ere aipatzekoa da. Markel, UROLA EK hasi zen eskubaloian eta gure jokalaria izan da iazko denboraldira arte eta oraindik loturak mantentzen ditu gurekiko. Pozgarria da eskubaloiaren arlo guztietan gure inguruko jendea ondo ari dela ikusteak.
Sariak jasotzea beti izaten da denboraldia amaitzeko modu ederra. Lanean jarraitzeko indarra eta kemena ematen digute eta ziur egon horretan jarraituko dugula, baita ere saririk jaso ez arren.
ZORIONAK UROLA ESKUBALOI KLUBA OSATZEN DUGUN GUZTIOI !!!
AUPA UROLA EK
