NESKEK ETA KADETEEK GARAIPENAK ERDIETSI DITUZTE
Jubenil gizonezkoen partida atzeratu egin denez, neskek eta kadeteek bakarrik jokatu dute eta biek irabazi dute.
Kadeteen partida izan zen asteburu bitxi hontan lehena. Kanarioren eta Jon Mendiaren mutilek liga berri bat hasten zuten, eta beraz, irabaziz gero taldea lidertzeko aukera zuten. Horretarako Egia Saieko menderatu behar zuten, eta hasiera - hasieratik izan ziren aurretik. Hala ere, donostiarrak tarteka gerturatu egiten ziren, baina azken hamar minutuetan nagusitasun fisikoa aprobetxatuz gailentzea lortu zuten. Azkenean UROLA PREMANK 30 - Egia Saieko 25.
Bigarren eta azken norgehiagoka jubenil neskena izan zen. Gaizki hasi zuten partida baina lehen zatiko azken minutuetan eginiko partzial txiki bati esker 7 eta 9 heltzea lortu zuten atsedenaldira. Bigarren zatian joku hobea egin zuten UROLA AKADEMIA ANA - AIKERreko neskek eta lehen aldiz markagailuan aurretik jartzea lortu zuten. Hala ere, tentsioa azken uneraino bizi izan zen, izan ere, bisitariek azken minutuan berdintzeko aukera izan zuten, baina zorionez ez zuten lortu. Azkenenan 16 eta 15 irabazi zuten eta taldetxoko lehen postuan mantentzen dira.
