ASTEBURU ONA UROLA ET-RENTZAT
Infantil kategoriako partidak salbu, beste guztiak irabazi ditu UROLA ETak
Jardinaldi honetan UROLA ET SUPER BM izan da etxetik at jokatu duen bakarra. Zoritxarrez 17 eta 10 galdu zuten, baina egindako joku onari esker, harro egoteko moduan daude.
Ispillan ospatu ziren beste lehia guztiak, eta lehendabizikoa, larunbat goizeko UROLA ET GOIHERRI BUSen partida izan zen. Leizaran zuten aurkari, eta sailkapenean aurretik zioazela kontuan hartuta, partida zaila espero zen eta lehen zatian eusteko gai izan baziren ere, azkenean 13 eta 20 galdu zuten.
Arratsaldean, jubenilen ordua iritsi zen, hauek ere Leizaran zuten aurkari. Hasiera hasieratik nagusitu ziren UROLA ET ANTONIO ARANZADIko mutilak eta partidak ez zuen inolako zailtasunik eduki. (33 - 21)
Atzetik, nagusien txanda izan zen. Zarautz indartsuaren aurka neurtu zituzten indarrak, baina zorionez, 23 eta 22 irabazi zuten. Nahiz eta atsadenaldian bi goleko aldea zuten zarauztarrek eta hauek liderrak izan, gure mutilek markagailuari buelta ematea lortu zuten. Esan bezala, UROLA ET LAZTI 23 - Amenabar ZKE 22.
Igandean nesken eta kadeteen partidak ospatu ziren, bien aurkaria Urnietako zelarik. Kadeetek, puntu premia handia zuten eta lortu zuten garaipena oso garrntzitsua da, izan ere, denboraldiko lehena da. Partida txukuna jokatu zuten UROLA ET PREMANKeko mutilek, eta merezita irabazi zuten 30 eta 26koaz.
UROLA ET AIKER - AKADEMIA ANAko neskek berriz, bigarren zatian defentsan eginiko lan onari esker lortu zituzten bi puntuak. Amaieran 20 eta 12.
ZORIONAK DENEI ETA ANIMO !!!!!
