LARUNBATEAN, DENOK ISPILLA !!!

    Larunbat honetan, 18:00etan, Lurraldeko Lehen Mailan jarraitzeko partida erabakigarria jokatuko da Ispilla kiroldegian, Urola EK Laztimendi eta Mugarri Ingou Arrasateren artean.

    Urola EK dinamika on batean helduko da partida honetara, azken hiru partidak jarraian irabazi baititu Fagor Proffesional Aloña Mendi, Soraluce BKE eta Egia Kosko Tabernaren aurka, horietako bi etxetik kanpo.

    Bestalde, Arrasatek balizko azken sei puntuetatik bi eskuratu ditu, Ordizia Eskubaloiaren aurkako garaipena nabarmenduz. Egun, etxeko taldea bederatzigarren postuan dago sailkapenean, 13 punturekin, eta Mugarri Ingou Arrasate hamaikagarren postuan dago, 11rekin.

    Partida honen garrantzia Urola EK Laztimendi taldearen garaipen batek aurkariarekiko lau puntuko aldea emango liokeelako da, amaierarako bi jardunaldiren faltan. Gainera, bi gol baino gehiagoko aldeagatik irabaztea lortuko balu, gol alde partikularra ziurtatuko luke eta Arrasaten aurretik geratuko litzateke azken sailkapenean, azken bi jardunaldietan ematen diren emaitzak edozein izanda ere. Joaneko partidan, garaipena Arrasaterentzat izan zen, 29 eta 28 estu batean.

    Bestalde, Arrasatek garaipena lortzen badu Urola gaindituko luke sailkapenean, eta horrek egoera are gehiago zailduko lieke Zumarragakoei.

    Horregatik guztiagatik, Zumarraga-Urretxu osoa animatu nahi dugu Ispillara joatera, hain garrantzitsua den partida honetan taldeari babesa emateko.

ZATOZ ISPILLARA !!!