BIZITZAK DARRAI
Aste gogor baten ostean, entrenamendu eta partiduen errutinara itzuli gara
Klub askok gure misioen artean ditugu kirola sustatzea eta bultzatzea; jokalarien eta pertsonen prestakuntza; baloreen transmisioa . . . baina askotan lehiaketari baino ez diogu erreparatzen.
Irabaztea eta galtzea lehiaketaren berezko zerbait bada ere, aste aztoratu honek geldiarazi egin gaitu, eta begirada emaitzetatik harago altxarazi. Berretsi digu lehiaketak ez duela berez helburua izan behar, klub bezala ditugun helburuak lortzeko bitartekoa baizik.
Garrantzitsuagoa da egiten dugun bidea, ditugun bizipenak eta emozioak, eta bide horretan aurkitzen ditugun pertsonak.
Horregatik, ziur gure taldeek asteburu honetan jokatu dituzten hamaika partidetan, bide batez, hamar porrot eta garaipen bakarra, gure jokalariak Moranekin gogoratu direla, baina baita Carlosekin, Josebarekin, . . . . . . . . . . (bakoitzak bete ditzala etete-puntuak markatu duen pertsonekin)
Egizue kontu kamiseta horia janzten dugun bakoitzean garaipenagatik borrokatuko garela, baina partidak irauten duen hirurogei minutuen ondorengo emaitzak ez ditu gure aldartea eta emozioa baldintzatuko, bizitzan gauza garrantzitsuagoak daudelako.
GORA UROLA ESKUBALOI KLUBA !!!
