BKL-UROLAK GARAIPENAK PILATZEN JARRAITZEN DU
Partida gogor batean Leizaran garaitu zuten
Igande goizean gure mutilek Andoaingo kiroldegian jokaturiko jubenil gizonezkoen mailari dagokion Federazio Trofeoko laugarren jardunaldian, garaipen landu bezain garrantzitsua eskuratu zuten Leizarango taldea 23 eta 25 gainditu ondoren.
Emaitzak erakusten duen bezalaxe partida oso estua izan zen lehenengo minututik azkenekoraino. Lehiaren lehenengo minutuetan berdintasuna izan zen nagusi, izan ere, nahiz eta gure taldeak etxekoen defentsa gogorra gainditzea lortzen zuten, Leizarangoek ere talde laranjak egiten zuen 4:2 defentsa aurreratua erasotzen asmatu zuten. Atzealdeko arazoa ikusiri entrenatzaileak defentsa lerroa atzeratu eta 5:1 erakoa ezartzea erabaki zuen, bere fruituak eman zituelarik lau goleko aldea zabaltzea lortu baitzuten gureek. Hala ere, etxekoek ez zuten amore eman eta diferentzia atsedenaldirako bi goletara murriztea lortu zuten. 12-14
Bigarren zatia lehenengoaren oso antzekoa izan zen. Etxeko taldeak defentsa are gogorragoa egin zuen eta honi esker markagailua berdintzeraino ere iritsi ziren 18nakoa ezarri zutenean. BKL-UROLAK irabazteko desioa zuela argi utzi zuen eta defentsako lan eraginkorrean erakutsi zuten hori, bi baloi lapurketa jarraian egin ondoren kontraerasoak gauzatu zituztenean. Ekintza hauek taldeari arnasa apur bat hartzeko aukera eman zioten berriro ere hiru goleko aldea zabaldu zutenez baina etxekoak ez zeuden konforme eta beste behin markagailua 23na orekatzea lortu zuten. Laranjek burua fresko mantentzea lortu zuten eta minutu eta erdi faltan aurretik ezartzen zituen gola eskuratu zuten. Azken minutua emozioz betea izan zen, gure taldeak partida erabakitzeko aukera izan zuen baina segituan galdu zuten baloia, ondoren etxekoek berdintzeko aukera izan zuten defentsako lanean sendo aritu zirenez, baloia berreskuratu eta norgehiagoka erabaki zuen gola eskuratu zuten. Azkenean 23-25
Garaipen honekin sailkapenen bigarren postuan dagoen Amenabar taldearekin berdinduta jarraitzen dute. Hurrengo astean Zarauzko taldearen beraren aurka jokatuko dute Beasaingo Antzizar kiroldegian, partida garrantzitsua bigarren postua eskuratzeko lehian.
