BUELTAN
Gabonetako etenaldiaren ostean, lehiaketari ekin diogu berriro
Ez da jardunaldi ona izan emaitzei dagokienez 2025eko lehen hau: hiru garaipen, berdinketa bat eta sei porrot. Dagoenekoz, kadete mutilak Gipuzkoako Txapeldunak dira.
Senior mailako hiru taldeek iazko ildo beretik jarraitzen dute eta porrotekin hasi dute urte berria.
Bestelako egoeran dira jubenil eta kadete mailako mutilak. Iaz amaitu bezala hasi dute urte berria: Errenterian eta Usurbilen garaipenak lortuta, hurrenez hurren. Azkenak, UROLA EK RSA taldeko kadeteak, matematikoki Gipuzkoako Txapeldunak dira. Bejondeizuela !!!
Kadete nesken mailan UROLA EK GOIERRIBUS taldeak bakarrik jokatu du, Andoainen berdinketa lortuz, sailkapenean berdinduta dauden talde baten aurka.
Klubeko gazteenak, infantilak eta alebinak, izan dira etxean aritu direnak eta oraingoan Ispilla ez da talismana izan. Infantiletan hiru taldek jokatu dute, mutilen biak eta nesketan UROLA EK, eta neskek bakarrik lortu dute garaipena, Bera Bera nagusitasunez gaindituz. Alebin mistoak, bere garaian atzeratutako partida berreskuratu du, baina ezin izan du Hernani gainditu.
