GURE TALDE GUZTIEK BADAKITE ZER DEN IRABAZTEA
Senior Nesken eta Lurraldeko Bigarren Mailako Senior Mutilen garaipenekin, talde guztiek gutxienez ligako partida bat irabazi dute denboraldi honetan.
UROLA EK CONSTRUCCIONES ANTIO taldeko neskek denboraldiko lehen garaipena lortu dute, Ispillan Tolosa CF Eskubaloia 24 eta 23 mendean hartuta. Espero dezagun garaipen honek Mikelek eta Markelek zuzentzen duten talde gazteari segurtasun ematea (nesketako asko jubenil adinean daude oraindik) eta gehiago iristea.
Gizonezko Senior mailan UROLA EK eta Bergara KEen arteko norgehiagoka bikoitza izan dugu. Gure bi taldeek 24na gol lortu dituzte (kasualitatez senior neskek bezala) baina bati garaipena lortzeko balio izan dio eta besteari ez. UROLA EK KRISTALERIA GOIHERRIk denboraldi hasieratik ihes egin izan dion garaipena lortu du. UROLA EK LAZTIMENDIk, berriz, ez dio jarraipenik eman joan den asteburuan lortutako garaipenari.
Jubenil mailako UROLA EK ANTONIO ARANZADIK ligako bigarren faseko lehen partida galdu du, baina sailkapeneko goiko postuetan mantentzen da.
Kadete Mailako Gizonezkoen taldeak, UROLA EK RSAk, jokatutako partida guztiak irabazi ditu eta liga irabazteko multzoko liderra da. Datorren asteburuan Ispillara etorriko den Usurbil KE Arekin batera dago sailkapenaren buru. Partida interesgarria dator.
Kadete Nesken bi taldeetako batek ere ez du garaipenik lortu. UROLA EK EUTSI izan da lortzetik gertuen egon dena, Ispillan bi goleko aldeaz galdu baitu. UROLA EK GOIERRIBUSek ere etxean jokatu du, eta ez du aukera askorik izan Tolosa CFren aurka.
Infantil mailan, neskak etxean jokatu dute, mutilak etxetik kanpo eta inork ez du partidarik galdu. Neskei dagokionez, UROLA EK taldearen partida atzeratu egin da eta UROLA EK URZUMek Aiala A ZKE garaitu du lau goleko aldeaz. Mutilen aldetik, UROLA EK ALAI HORTZ KLINIKAk 29na berdindu du Elgoibarren, eta UROLA EK DESKARGA AROZTEGIAk garaipen erosoa lortu du Arrasaten, eta sailkapeneko gorenean kokatu da Pulpo EKrekin berdinduta.
* Atzeratua / Aplazado
