Epaile ikastaroa
Abenduaren 28tik urtarrilaren 5era, jaiegunak salbu, Zumarragan
Gabonetako oporraldia aprobetxatuz, Euskal Eskubaloi Federazioak antolatutako eskubaloi epaile ikastaroa burutzen ari da Zumarragako Zelai Arizti kultru etxean. Jose Luis Martinez Chicotek koordinatuta, 28 lagun ari dira klaseak jaostzen, bai Zumarraga ingurukoak baita Donostialdekoak ere. Guztira 28 ordu izango dituzte eta arautegia, prestakuntza fisikoa epaileen psikologia,... landuko dituzte. Ikastaroan, besteak beste, Asobal mailako epaileak ari dira irakasle lanetan. Prestakuntza egokia jaso ondoren bakoitzari dagokion mailan hasita, epaile lanak burutuko dituzte parte hartzen ari direnek.
Hurrengo elkarrizketan, Jose Luis Martinez Chicotek, epaileen koordinatzaileak, bere iritzia emango digu horrelako ekintzen inguruan.
